സത്യം പറഞ്ഞാല് ഉള്ള് ഒഴുക്ക് കണ്ട് ഞാൻ ആദ്യം മുതൽ അവസാനം വരെ കരയുകയായിരുന്നു ...
അതൊരു സ്ത്രീ പക്ഷ സിനിമയല്ല ...അതൊരു പുരുഷ പക്ഷ സിനിമയുമല്ല ...
അതൊരു മനുഷ്യ പക്ഷ സിനിമ ആണ് ...
കാരണം ആണും പെണ്ണും ഉൾപ്പെടുന്ന എല്ലാവർക്കും തെറ്റുകൾ ഉള്ള ,എല്ലാവർക്കും ശരികൾ ഉള്ള സാധാരണ മനുഷ്യരുടെ സിനിമ ആണ്...
മനുഷ്യൻ കുടുംബ മഹിമ ,നേര് നെറി എന്നൊക്കെ പറഞ്ഞു പൊള്ളയായ ജീവിതം നയിക്കുന്നതിനെ,തുറന്ന് കാട്ടുന്ന സിനിമയാണ് ...ഒരേ കൂരക്ക് അകത്ത് താമസിച്ചാലും ,അച്ഛൻ ആണ് അമ്മ ആണ് എന്നൊക്കെ പറഞ്ഞാലും ,ഭർത്താവ് ആണെന്ന് പറഞ്ഞാലും ,കാമുകൻ ആണെന്ന് പറഞ്ഞാലും ..ആരും ആർക്കും സ്വന്തമല്ല ആരും ആരെയും എന്നും സ്നേഹിക്കില്ല ..ആരും ആർക്കും എന്നും കൂടെ നിക്കില്ല ,കൂട്ട് ആവില്ല ,മനസ്സിലാക്കി പെരുമാറില്ല എന്ന സത്യമാണ്...
നമ്മൾ എത്ര സ്നേഹിച്ചാലും അവർക്ക് വേണ്ടി എത്ര വേദന സഹിച്ചാലും അവരെ പ്രതീക്ഷിച്ചു എത്ര കാത്ത് ഇരുന്നാലും ഒരിക്കൽ അവർ നമ്മളെ വേദനിപ്പിക്കും എന്ന് ഉള്ള സത്യമാണ്....
ഈ സിനിമയിൽ നായകൻ ഇല്ല നായിക് ഇല്ല..നന്മ നിറഞ്ഞവർ ഇല്ല ,പൂർണമായി തിന്മ നിറഞ്ഞവരും ഇല്ല ..എല്ലാവരും മനുഷ്യരാണ്...
selfish ആയ,എന്നാൽ സ്നേഹമുള്ള ,എന്നാല് അവരുടെ പ്രവർത്തി കൊണ്ട് സ്വന്തം മകളുടെ ജീവിതം വരെ തൊലച്ചു കളയുന്ന അമ്മയും ...മകളുടെ ഇഷ്ടത്തിന് എതിരെ നിന്ന് അവളെ ഇഷ്ടമില്ലാത്ത ലൈഫ് ലേക്ക് തള്ളി വിട്ട അച്ഛനും ...
കാമുകൻ ആവട്ടെ, ഉണ്ടായിട്ടും ,സ്നേഹിച്ചിട്ടും,അവളുടെ കൂടെ നിക്കണ്ട സമയത്ത് നിൽക്കാത്ത ആൾ ആണ്..
അവളോ അവൾക്ക് ആണെങ്കിലും സ്വന്തം കാലിൽ നിൽക്കാൻ സ്വന്തമായി തീരുമാനം എടുക്കാൻ ,സ്വയം തിരഞ്ഞെടുക്കാൻ ഉള്ള ധൈര്യം ഒന്നും ഇല്ലാത്ത ഒരാൾ ആണ് ..അതിന് ധൈര്യം ഉണ്ടെങ്കിൽ പോലും അതിന് അനുവദിക്കാത്ത അപ്പനും അമ്മയും ഉള്ള ഇടത്ത് വളർന്ന സാധാരണ പെണ്ണ് ആണ് ..
അതിന് അവളെ കുറ്റം പറയാൻ പറ്റില്ല കാരണം അത്തരം സാഹചര്യത്തിൽ വളരുന്ന അവൾക്ക് ആഗ്രഹം ഉണ്ടെങ്കിലും ഇത്ര ഒക്കെ മാത്രേ ചെയ്യാൻ പറ്റൂ ...
അവളുടെ അമ്മായി അമ്മ ആകട്ടെ ..അവരുടെ selfish nes നു വേണ്ടി മരുമകളുടെ ലൈഫ് തുലച്ചവർ ആണ്..എന്നിട്ട് മകളെ പോലെ എന്ന് പറയുകയും ചെയ്യും..നന്മ നിറഞ്ഞ പാവം എന്ന് കരുതുന്ന അവരും .. അത്ര നന്മ ഉള്ളവർ അല്ല എന്നതാണ് സത്യം ..
എന്നിട്ടോ കുടുംബ മഹിമയെ കുറിച്ച് പറയുകയും ചെയ്യും...
എനിക്ക് അവളെ മനസ്സിലാകും ..അവളുടെ വീട്ടിലെ അമ്മയും അച്ഛനും, എനിക്ക് പരിചിതമാണ് ...അമ്മ കാരണം തുലഞ്ഞ് പോയവരെ നിങ്ങൾക്ക് അറിയില്ലായിരിക്കാം എനിക്ക് അറിയാം ...
എല്ലാ അമ്മ മാരും നന്മയുടെ നിറ കുടം അല്ല ..അച്ചന്മാരും ..
ചിലർ ഒക്കെ ടോക്സിക് ആണ് ..എന്നാല് അവരിൽ നിന്ന് രക്ഷപെടാൻ നോക്കുന്ന പെൺ കുട്ടികൾ ചെന്ന് പെടുന്ന ആണുങ്ങള് പലപ്പോഴും അതിലും toxic ആവും ...
സ്നേഹത്തിൽ പൊതിഞ്ഞ toxicity എന്ന് വേണേൽ പറയാം ... 😮💨
വേറെ ഇടമില്ലാത്ത കൊണ്ട് മാത്രം അവരിൽ stuck ആയി നിക്കുന്ന സ്ത്രീകൾ ഒരുപാട് ഉണ്ട് ..
കാരണം ലേശം പോലും ആരും സ്നേഹിക്കാൻ ഇല്ലാത്ത ,സപ്പോർട്ട് ചെയ്യാൻ ഇല്ലാത്ത സ്ത്രീകൾ ,ഒരിറ്റ് സ്നേഹവും പരിഗണനയും കിട്ടിയാൽ പോലും അതിൽ തൂങ്ങി നിക്കും ..കാരണം അവർക്ക് അത് ജീവിക്കാൻ ഉള്ള പിടി വള്ളി ആണ് ...
അതൂടെ ഇല്ലെങ്കിൽ അവർ ഒരുപക്ഷേ ആത്മഹത്യ ചെയ്തു കളഞ്ഞേക്കാം ..
പക്ഷേ അതിൽ നിന്ന് വരെ ഇറങ്ങി വരുന്ന സ്ത്രീകൾ ഉണ്ട് ..അങ്ങനെ ഇറങ്ങി വരണം എങ്കിൽ അവർ എത്ര നോവ് അനുഭവിച്ചു കാണും എന്ന് ഊഹിക്കാവുന്നതയുള്ളൂ....
അവിഹിതം എന്ന് നമ്മൾ പേരിട്ട് വിളിക്കുന്ന ബന്ധങ്ങളിൽ പല സ്ത്രീകളും ചെന്നെത്തുന്നത് ...ചെന്ന് കേറുന്ന വീടുകളിൽ അവർക്ക് നേരിടേണ്ടി വരുന്ന ദുരനുഭവങ്ങൾ ആവാം...കൂടെ കിടക്കാൻ നേരം മാത്രം വിളിക്കുന്ന വീട്ടിലെ പണി ചെയ്യാൻ വേണ്ടി മാത്രം ഉളളവർ അല്ല സ്ത്രീകൾ ..അവർക്ക് പാർട്ണർ എന്ന് പറയുന്നത് സ്നേഹിക്കാൻ ,അവരുടെ ആഗ്രഹങ്ങൾ ,സ്വപ്നങ്ങൾ എന്നിവക്ക് കൂടെ നിക്കുന്ന അവരെ സ്നേഹത്തോടെ തലോടുന്ന ,അവരുടെ സുഖവും ,ദുഃഖവും മൗനങ്ങളും അറിയുന്ന ആൾക്കാരെ ആണ് വേണ്ടത് ...
അത് മുതൽ എടുക്കുന്നവർ ആണ് പൂരിപക്ഷം അന്യ പുരുഷന്മാരും എന്നതാണ് സത്യം ..
എന്നാല് ഈ വിവാഹേതര ബന്ധങ്ങൾക്ക് വരുന്ന എല്ലാ ആണുങ്ങളും പെണ്ണുങ്ങളും മോശം ആണ് ,ചതിക്കും ,toxic ആണെന്ന് നമ്മക്ക് പറയാൻ ഒന്നും പറ്റുകയില്ല ..
അതൊക്കെ ആൾക്കാരെ ബന്ധപ്പെട്ട് ഇരിക്കും ...
വിവാഹേതര ബന്ധങ്ങൾ കൂടുതലും സ്ത്രീകളെ സംബന്ധിച്ച് ഉണ്ടാവുന്നത് അവരുടെ ഭർത്താക്കന്മാർ അവർ ആഗ്രഹിക്കുന്ന രീതിയിൽ പരിഗണിക്കാതെ വരുമ്പോൾ ആണ് ..ആണുങ്ങടെ കാര്യത്തിൽ അങ്ങനെ ആണോ എന്നത് എനിക്ക് തീർച്ച ഇല്ല..നല്ല ഭാര്യമാർ ഉണ്ടെങ്കിലും വിവാഹേതര ബന്ധങ്ങൾക്ക് വരുന്ന പുരുഷന്മാർ ഉണ്ട് എന്നാണ് എനിക്ക് തോന്നിയിട്ടുള്ളത് ..കൃത്യമായി എനിക്ക് അറിയില്ല ..സോ അഭിപ്രായം പറയുന്നില്ല ..
സിനിമ കൂടുതലും പൊള്ളയായ ജീവിതം നയിക്കുന്ന പുറമെ സ്വന്തം കുടുംബം നല്ലത് എന്ന് കരുതുന്ന മൂഡ സ്വർഗത്തിൽ ജീവിക്കുന്ന സ്ത്രീയുടെയും അതിൽ നിന്ന് ഇറങ്ങി പോരാൻ ശ്രമിക്കുന്ന സ്ത്രീയുടെയും ..മാനസിക ചിന്താ ധാരകളെ കുറിച്ചാണ് ....
അവർക്ക് ചുറ്റും വന്ന് പോകുന്ന grey shade ഉള്ള മനുഷ്യരെ കുറിച്ചാണ് ...
അവസാനം തങ്ങളുടേത് എന്ന് കരുതുന്ന ആരും തങ്ങളുടെ അല്ല എന്ന തിരിച്ചറിവിൽ ..വീട്ടുകാർ എല്ലാം ഉണ്ടായിട്ടും അനാഥരെ പോലെ ഉള്ള ഈ രണ്ടു പേർ പരസ്പരം താങ്ങ് ആവുന്നതിനെ കുറിച്ചാണ് ...
അമ്മച്ചിക്ക് അറിയില്ല ഞാനും അവനും തമ്മിൽ ഉള്ള സ്നേഹം കാരണം അമ്മച്ചിക്ക് അമ്മച്ചിയുടെ കെട്ടിയോൻ ആ സ്നേഹം തന്നിട്ടില്ല ..അത് പോട്ടെ ,നിങ്ങൾക്ക് അത് കിട്ടിയില്ല ..അറിയില്ല എന്നാല് മറ്റുള്ളവർ പറയുന്നത് എങ്കിലും മനസ്സിലാക്കൂ എന്ന് അവൾ പറയുന്നുണ്ട്...
yeh i can understand that girl ..പാർവതിയുടെ charector നേ എനിക്ക് മനസിലാവും...കാരണം അങ്ങനെ കല്യാണം കഴിച്ചിട്ടില്ല എങ്കിലും സമാന അവസ്ഥയിലൂടെ പോവുകയും ...ഒറ്റക്ക് ആയിട്ട് പോലും ഒരു ബന്ധത്തിൽ നിന്ന് ഇറങ്ങി വരികയും ചെയ്ത ഒരുവൾ എന്ന നിലയിൽ എനിക്ക് അവളെ അറിയാൻ സാധിക്കും ..അവള് അനുഭവിക്കുന്ന ഗിൽട്ട് ,അവള് അനുഭവിക്കുന്ന വേദന,അവളുടെ നിസഹായ അവസ്ഥ ഒക്കെ എനിക്ക് മനസിലാവും ,
കൂടെ നിക്കും എന്ന് കരുതിയ ആളുടെ മോശം പെരുമാറ്റം എത്ര മാത്രം hurt ചെയ്യുമെന്നത് ഊഹിക്കാൻ ആവാത്ത ഒന്നാണ്..അതും വേറെ ആരും കൂടെ നിക്കാൻ ഇല്ലാത്ത ഒരാളെ സംബന്ധിച്ച് ...
അവളുടെ അമ്മയും അമ്മായി അമ്മയും ചേർന്ന ഒരു അമ്മ എനിക്കും ഉണ്ട് ...
അവരെയും എനിക്ക് അറിയാം ...
ഒരേ സമയം toxic അതെ സമയം സഹതാപവും അർഹിക്കുന്ന മനുഷ്യർ ...
എന്ത് ചെയ്യാം ...
അവരും ഒറ്റക്ക് ആണ് ... അവർക്കും ആരുമില്ല ...
ആരും ആരും ശരിയുമല്ല ,തെറ്റുമല്ല ...
ഈ ലോകം ഇങ്ങനെ ആണ് ...
മുറിവേറ്റവർ വീണ്ടും മുറിവേൽക്കും ,ആരും അവരെ അറിയില്ല അവരുടെ മുറിവിൻ്റെ ആഴം അറിയില്ല ...
ആരും അവരുടെ ഉള്ളിലെ ആ വേദനയുടെ വാതിൽ തുറന്ന് മുറിവിൽ മരുന്ന് പുരട്ടില്ല ..പക്ഷേ വീണ്ടും കുത്തി മുറിക്കും ..
എന്നിട്ട് പറയും ,നീയെൻ്റെ മകൾ ആണ് ,നീയെൻ്റെ ഭാര്യ ആണ് ,നീയെൻ്റെ കാമുകി ആണ് എന്നൊക്കെ ... നിനക്ക് നല്ലതിന് വേണ്ടി ആണെന്ന് ഒക്കെ ... നിന്നോട് ഞങ്ങൾക്ക് സ്നേഹം ഉണ്ടന്ന് ഒക്കെ ...
എല്ലാം വെറും പൊള്ള വാക്ക് മാത്രം ...
പ്രവർത്തിയിൽ കാണിക്കാത്ത ഇടത്തോളം ..വേദനിക്കുന്ന ,വീർപ്പ് മുട്ടുന്ന ഇടങ്ങളിൽ നിന്ന് അവരെ മോചിപ്പിക്കാൻ വേണ്ടി സഹായിക്കാത്ത ഇടത്തോളം,ഈ വാക്കിന് ഒക്കെ അഞ്ചു പൈസയുടെ വില ഇല്ല ,ഗുണവുമില്ല എന്നതാണ് സത്യം ...
അല്ലെങ്കിലും മുറിവേറ്റവരുടെ ഹൃദയത്തെ അറിയാൻ ഉള്ള കപ്പാസിറ്റി ഉള്ള മനുഷ്യർ ഒക്കെ താരതമ്യേന കുറവ് ആണ് ..
#neenu
