പ്രേമത്താൽ മുറിഞ്ഞു വിവശരായ രണ്ട് സ്ത്രീകൾ കണ്ട് മുട്ടിയപ്പോൾ ..
അവർ ആദ്യം പരസ്പരം കലഹിച്ചു ..
കലഹിത്തിൻ്റെയൊടുവിൽ ,ഒരുവളെ കാണാതെ കരയുന്ന മറ്റൊരുവളെ അവള് കണ്ടെത്തുന്നു ....
അവളുടെ കരച്ചിലിനെ,കാരണം പോലും ചോയിക്കാതെ ചേർത്ത് നിർത്തി കൊണ്ടവൾ നെറുകയിൽ ചുംബിച്ചു...
അവര് ഒരുപാട് അന്നാദ്യമായി ചിരിച്ചു കൊണ്ട് സംസാരിച്ചു ,അവരുടെ വേദനകളെ കുറിച്ച്,അവരുടെ സ്വപ്നങ്ങളെ കുറിച്ച് ,അവരുടെ നിരസിക്കപ്പെട്ട പ്രേമ മോഹങ്ങളെ കുറിച്ച്,അവരുടെ തീവ്രമായ കാമനകളെ കുറിച്ച് ..ആണുങ്ങളാൽ മനസ്സിലാകാത്ത എന്തോ ഒന്ന് അവർക്ക് പരസ്പരം മനസ്സിലായിരുന്നു ...
അവരന്വേഷിച്ച സ്നേഹത്തെ കുറിച്ച് അവർക്ക് തമ്മിൽ തമ്മിൽ കണ്ടെത്താൻ ആവുമെന്ന് തോന്നി ...
അവരുടെ തീരാത്ത നീണ്ട വർത്തമാനങ്ങളെ ആൾക്കാർ പെണ്ണുങ്ങളുടെ പരദൂഷണം എന്ന് കളിയാക്കി പറഞ്ഞപ്പോൾ അവർ ലോകത്തെ നോക്കി പുച്ഛിച്ചു ... അവരുടെ പ്രേമനകളെ ലോകമുൾക്കൊണ്ടില്ല ....
പക്ഷേ അവർ ലോകത്തെ കൂസാത്തവർ ആയിരുന്നു ....
കുലകളുടെ ഭാഷയിൽ പറഞ്ഞാല് ഇളകി ചിരിച്ചു മറിഞ്ഞ് നടക്കുന്ന രണ്ട് സ്ത്രീകൾ ...
അവർ ഒഴിഞ്ഞ വഴിയോരങ്ങളിൽ ചുംബിച്ചു..കിടക്കകളിൽ പരസ്പരം മുലകളെ തഴുകിയുറക്കി ... അവരുടെ വിരലുകൾ ,പുഷപങ്ങളെ മാത്രമല്ല ഹൃദയത്തെയും സ്പർശിച്ചു ... അവർ നിറഞ്ഞ തിരക്കുകളിൽ ചെവികളിലൂടെ കിന്നാരം പറയുന്ന മാതിരി ചുംബിച്ചു , സ്ത്രീകളായതിനാൽ അവർ രഹസ്യങ്ങൾ കൈമാറുകയാണെന്ന് ,മാലോകർ കരുതി ...
അതെ അവരിങ്ങനെ ലോകം മുഴുവൻ നിറഞ്ഞൊഴുകി നടന്നു....
അവരുടെ പ്രണയം അതീവ രഹസ്യവും അതെ സമയം അതീവ പരസ്യവുമായിരുന്നു ..
പക്ഷേ നിങ്ങളവരെയറിഞ്ഞില്ല ... നിങ്ങളറിയുന്നതിനെ കുറിച്ച് അവർ ഒട്ടും കൂസിയിരുന്നുമില്ല ... എസ് അവർ കൂസൽ ഇല്ലാത്ത സ്ത്രീകൾ ആയിരുന്നു ....
പ്രേമത്താൽ മുറിഞ്ഞവരും, പ്രേമത്താല് നിറഞ്ഞവരും ...
#neenu
No comments:
Post a Comment